Le Ministère du tourisme condamne l’irruption des écoliers sur la cour de l’hôtel Marriott
|
Getting your Trinity Audio player ready...
|
Port-au-Prince, le 14 octobre 2018.- Le Ministère du tourisme condamne l’irruption des élèves, issus de plusieurs lycées de la Capitale, sur la cour de l’hôtel Marriott à Turgeau (Port-au-Prince), le 12 octobre 2018.
La ministre du tourisme Marie-Christine Stéphenson
Ledit ministère, à travers un communiqué, dit « déplorer toute dégradation perpétrée par des individus qui, sous le couvert de la colère, entachent l’image de l’industrie touristique nationale ».
Le Ministère du tourisme a, en outre, annoncé « l’intensification des dispositifs d’encadrement des établissements hôteliers » du pays. Ce, à travers une collaboration soutenue de la Police nationale d’Haïti (PNH) via l’unité spécialisée Politour, a poursuivi le communiqué.
Aussi, en a-t-il profité pour encourager la population à accompagner les efforts réalisés par le gouvernement en vue du rehaussement du secteur touristique.
À rappeler que la manifestation des lycéens s’est déroulée dans plusieurs rues de Port-au-Prince. Ils ont exigé la reconstruction de leur école détruite depuis le tremblement de terre du 12 janvier 2010. Aussi, ces jeunes ont-ils dénoncé la dilapidation du fonds PetroCaribe dont une partie était destinée à la construction d’école publique dans le pays.
Vant bèf info (VBI)
Elèv yo pa t ANVAYI, yo te ANTRE nan pakin Lotèl Maryòt.
Dapre yon atik ki soti nan jounal « Vant Bèf Enfo » kèk elèv lekòl ta anvayi pakin lotèl Maryòt, ki twouve l kòtakòt ak Dijisèl, nan jou ki te vandredi 12 oktòb la. Nan kèk liy n ap eseye pote yon demanti sou gwo manman bèf akizasyon sa a sou yon envazyon ki pa ekziste vre. Nou di se sèl yon petwo-jounal ak yon petro-chat ki ka lage yon zenfo konsa. Kèlkeswa kontèks ou itilize mo anvayi a li gen kontni negatif. Ekzanp: Kristòf Kolon te #anvayi (li pa t dekouvri) Lamerik nan lide pou l te vin okipe yon popilasyon, yon espas, ki pa pa l. Men si nou di Lame Sovyetik te fè yon antre triyonfal nan peyi Almay, se nan lojik pou bout ak yon lokipasyon, pou rezoud yon sitirasyon malouk. #Anvayi rete nan lòd ilegal, e li anonse lagè. #Antre gen aspè legal, triyonfal, e li se preseptè yon fòm lapè.
Kisa ki ka lakòz yon gwoup « ayisyen », dimwens elèv lekòl ki pa gen lise pou etidye ka antre libelibè nan Lotèl Maryòt? Selon yon apwòch prensipyèl nou pral tante jwenn yon eksplikasyon. N ap soti nan jeneralite istorik yo pou n abouti ak patikilarite moman an. Lotèl Maryòt layite kò l toupatou nan mond lan, yon total anviwon 500 Lotèl nan 50 peyi diferan. Jiskaprezan, ayisyen pa konn ni manman ni papa pil ak pakèt Maryòt sa yo, m pa kwè sa enterese yo dayè. Nan aparans kalm moun yo, gen 3 eleman ki vin reveye kiryozite yo sou Lotèl sila a.
Moun yo konstate touswit apre lansman l inaksesiblite lotèl la, kòmkwa se yon ti lespas ki rezève pou letranje ak kèk moun move mès rasis nan mòn Petyonvil yo. Kididonk koulè Maryòt pa koulè yo, zafè kabrit pa zafè mouton. Tankou yon miray ki monte sou tè Desalin nan, tankou lè moun yo deside al fè Market Délimart nan priyay, pri fou, tankou lè Desalin deside al wè Petyon, tankou lè solèy la t al benyen nan pisin lotèl Montana, tankou lè sitwayen di peyi deside vizite palè yo malgre barikad ak gaz lakrimojèn…pèp ayisyen pa pran nan defi, depi l piti li aprann fòk li lib nan peyi l, se nan listwa lòt peyi li deklare pou l etidye Segregasyon, apatay ak sesesyon.
Yo vin aprann tou Maryòt Ayiti ak Dijisèl Ayiti se 2 zwazo menm plim menm plimay, 2 kabrit menm mèt menm patiray, 2 marasa ki dòmi sou menm kabann. Se yon bagatèl 45 milyon dola vèt gwoup Dijisèl envesti nan Maryòt dapre sa ki pibliye sou sit yo. Pandanstan, pèp la ap poze tèt li kesyon si se pa kòb ki soti sou entènèt wondonmon ki mache lè lide l di l ak minit telefòn awousa ap plede vòlè yo, san konte plan malfektè k ap fèt sou plan telefòn yo, nan wete ti avantaj sou yo, pou met plis milyon nan pòch konpayi, pou foure mizo nan bouch sosyete sivil ak sosyete politik ki pou kore yo nan malvèsayon y ap fè yo. Se menm Dijisèl sa a k ap malmennen konsomatè l yo, san pa gen pèsonn otorite sendikal ni etatik ki ka di sètase, ki enstale Maryòt isit? Ah bon! Pèp la di Maryòt se Dijisèl; zanmi lennmi l se lennmi l.
Kou ki pou touye koukou a, ansyen chèf Tèt kale a, Micky, di nan Enfraza pèp la ap jwenn lajan Petrocaribe a nan yon seri lotèl tankou El Rancho, Best Western ak Maryòt. Yon ansyen prezidan wi souple! Yon moun ki avize te ka antisipe pou l di pouki se nan Maryòt zèfèyis toujou bezwen antre lè yo nan lari. Rezon an senp. Moun yo konnen yo gen 2 lajan nan lotèl sila a. Lajan entènèt ak minit telefòn li yo k ap disparèt san konn kòz ak lajan petrocaribe a ki te la pou te penmèt lavi boujonnen nan peyi a ki ta ap sèvi yon lotèl apatay. Britsoukou yo vin santi lotèl sa a ki te parèt inaksesib pou yo a, ki pa t sanble yo a, se te pa yo tou. E malgre dilatwa ant Micky ak Mouche Boute pou demanti tras petrocaribe nan lotèl la, zòrèy pèp la te gentan fèmen depi gwo kout loray prezidan bandi legal la te lage nan Enfraza a. Malè pa mal.
Moun yo, ti rale sa a mennen nou sou yon zak triyonfal elèv lekòl ki t ap manifeste poutèt yo pa gen lise pou yo etidye kòmsadwa, kote yo t al chache moso nan lajan an nan lotèl chèmèt chèmètrès yo a pou yo konstwi bon jan batiman eskolè ak peye pwofesè pou ba yo moso pen lenstriksyon. Pile pakin Maryòt se deja yon pa nan bon direksyon, menm jan Anperè Desalin te fè antre triyonfal nan Sid peyi a pou t al rekipere moso tè ki te dwe pou pèp ki te batay pou lendepandans lan ke yon ti gwoup eritye pwofitè te konfiske. Nan respè pou papa nanchon, elèv sa yo deside pran larelèv pou yo mande kot kòb ki te la pou pèp la ke yon gwoup pwofitè tilolit piye.
Le Fortifiant
#Elèvyoapmandekont
#KotKòbPetwoKaribeA?